RUNNING M&M’S 朱古力走走走

　　

　　

　　　嘩，睇到個場，五顏六色仲有好多好多粒 M&M’S 朱古力，毋須多講，大朋友小朋友都已經想碌入去！

　　今個暑假奧海城為大家帶來「RUNNING M&M'S全能挑戰場」，整個場地佈置猶如一個室內奧運競技場，包括小型賽跑

道、彩色車呔陣、小粒豆M&M'S攀石斜台、巨型筒裝M&M'S山洞、粒粒石春路、手動夾M&M'S擂台，以及四色勁滑滑梯！（以上名字全部係我作的！係咪好貼切呢！）

　　

　　到底係點玩呢？其實整個場分為三大玩法。詳情：遊戲參加辦法

註：場內需穿襪子

衝線！

第一：RUNNING M&M'S全能挑戰（7月14至8月31日）

玩法：限時兩分鐘，由捐山洞開始，你會被編排定一個指定顏色，走過你所屬的M&M'S顏色筒後，再走過你指定顏色的獨木橋，之前先要在M&M'S池內收集五粒你專屬顏色的M&M'S，放在籃子後，用擔挑過橋，再經過彩色車呔，爬上斜台、跣滑梯，再於背包中找尋你的夾M&M'S工具卡，以工具夾好M&M'S在星星旗盆上，最後跑過終點。嘩，聽到都好繁忙好刺激呀！

　　就係因為太刺激，而且斜台和挑擔挑等也屬高難度和高體能活動，所以大會規定六歲以上及身高122CM以上才能參與，無辦法啦，安全起見，小朋友真係玩唔到呢！所以Hiko這天都沒有正式挑戰整個賽道，他只是擺甫士扮嘢咋！就係因為咁刺激，大會非常歡迎青少年同大朋友去玩喎！限時內完成就可以打開M&M'S幸運彩球贏取禮品！

用唔同工具夾M&M'S，有筷子有麵包夾，睇下你好唔好彩

第二：RUNNING M&M'S三項鐵人挑戰賽（7月16至8月28日）

玩法：剛才的一口氣挑戰過程將分拆為獨立的三部份，只要在限時內完成，便可以得印花兩個，成功完成集齊六個印花，便可以得到可愛的限量版&M'S氣球啦！喂，唔好話唔俾心理準備大家，氣球真係好得意啊，拎住佢出街全部人用羡慕目光望住你啊！

第三：RUNNING M&M'S熱身遊戲（7月14至8月31日）

射擊

玩法：這兩個比較簡單的活動，是劍擊和射擊戲，劍擊部份是以劍子篤篤篤，篤中亮燈的圈圈便有分。而射擊遊戲是用丫叉把豆袋扔向M&M'S板，令它倒下。成功完成又可得到M&M'S紀念品。

劍擊

其他好玩遊戲

　　小朋友未夠高度去玩？又唔駛唔開心。因為現場仍有人人啱玩的活動，例如M&M'S體育新聞直播室，大家可以扮主播，選擇籃球、足球或網球等M&M'S賽事，然後選擇一個M&M'S朋友在螢幕前陪你，再用十秒時間去講波！之後可以把片段傳送到自己的電郵和朋友分享，非常搞笑。參加辦法只要即場讚好奧海城facebook專頁或追蹤奧海城instagram，再like & share其中一個：RUNNING M&M'S帖子就得！

　　而呢段期間在奧海城消費滿一定金額，都有機會獲得M&M'S朱古力機、鎖匙扣或者USB，又係開心散錢時間，記得留意！

＊所有賽制以大會最後公佈為準

活動詳情：奧海城網站