2019關西自駕：淡路島Hello Kitty Smile

2019關西自駕親子遊大阪篇：兵庫縣淡路島Hello Kitty Smile臨海餐廳

由神戶自駕往淡路島，大約一個小時車程，中途還有一個設有摩天輪的休息站，可在starbuck欣賞明石海峽大橋的景色。

淡路島是一個環島，其實要數的景點不算太多，但親子遊的話，只要去兩個地方：~二次元森林（蠟筆小新公園）及~hello kitty smile（餐廳）已夠玩足一整天。

今次YokoMama主要介紹的是我的最愛：Hello Kitty Smile臨海餐廳(2018年4月開幕)

人人都like必影景點

Hello Kitty Smile不只餐廳這麼簡單，著臨海的優勢，看海的白色巨型Hello Kitty頭便是其標誌。整個建築共有兩座，每座都有兩層，一共三間餐廳，因為想在那兒用餐，為免「摸門釘」，YokoMama早已做好資料蒐集：地下層smile Terrace主要供應自助餐，食物帶東南亞風味，有戶外看海座位，但Hello Kitty主題則較少；二樓分左右兩館，一邊高級裝潢、金色主調的中菜館；另一邊則是逢11:00至17:30都設Hello Kitty有特色下午茶的餐廳。出發前往官網先看看哪間才是你口味，不要盲摸摸吃飽了才後悔要到另一間。

整個Hello Kitty Smile分為三個主區；購物區、餐廳及展覽館。

門外老遠已見到白色主軸、玻璃窗如教堂設計的建築（以為是結婚用教堂）。在旁邊有一個小小停車場，相信假日很快客滿，所以遠一點有一個較大的停車場，可以在那兒等淡路島巴士前往（估計約五分鐘車程）。

未入門口、地下拍照位已經很多。這天很好天呢！藍藍天空高掛kitty頭（不是恐怖片）~~~是最好看。

地下（１樓層）

進入精品店，聰明的Hello Kitty迷一眼已看出那些產品是這裏專屬品。記得捧走。

展覽室入口是位於精品店一角，是多個影相位和投影區，是一個收費區，成人1500Yen。不過如果在精品店購滿5000YYen，便會附送一張入場券。因為這類的kitty照片我拍太多了（炫耀？！），所以這天沒有付錢入場。註：投影區不能拍照。







精品店內放置了一輛Hello Kitty跑車，還有巨型Hello Kitty壁畫

（可另外付費用專用自拍相機，以特定角度拍到整個Kitty臉。）。連天花板都有很多Hello Kitty，開心死。細心留意，會看到洗手間（這次我可沒有進去八卦）以及員工室都有很多Kitty特色。之後你一定會走去旁邊樓梯拍下大kitty，之後便可沿樓梯上到二樓（戶外）。

因客人不多，我們進入了地下層的Smile Terrace參觀，這兒有露天座位也有室內位，面積橫跨二樓的兩間餐廳。不過看過餐牌，不太適合我們口味，加上沒有太多kitty元素，所以沒有選這間。

職員穿著kitty Tee!

二樓

這兒重點就是看到巨型Hello Kitty頭像了！其實站在這裏角度並不能完全拍到Hello Kitty頭，可以到地下的戶外座位外。不過我們今天沒有到下邊遊覽，因為客人較少，都找到有利位置拍照，已經很震撼了！而除了大頭，四周都是拍照位。請預備充足電池！！！！

知客kitty

二樓一邊入口便是高級餐廳Smile Restaurant，以金色為主，據聞也是供應自助餐，不過是order形式的，門外裝潢已放置了很多Hello Kitty，連電梯門也很好看。不過看上去，裏面的Hello Kitty又不太多。這天還有日本公司員工在這裏陪訓／用餐，所有男男女女都會興奮地拍照的。

另一邊則是我們今天要光顧的目標：Party Balcony。這裏可點英式下午茶，共有三種價錢；也有大量花茶和飲品供選擇。這兒以黑木枱為主，有高有矮，也有露天位置。店內算是多Hello Kitty的，吧枱、天花板都有。我們點的是最貴的英式下午茶，附一杯飲品。所有甜鹹點味道都不錯的，唯一是那個kitty頭饅頭凍冰冰的，有點不好吃。

中等價錢的一款，愛麗絲夢遊仙境主題

info

https://awaji-resort.com/hellokittysmile/

2019關西自駕：名古屋Prime Tree Akaike Shopping Mall

2019關西自駕遊

名古屋篇

室內商場Prime Tree Akaike Shopping Mall

剛剛在上一篇介紹過名古屋戶外遊樂場岩池公園，得知很多朋友擔心下雨天不能進行戶外活動，現在介紹一個大大型商場給大家，一樣可以給一家大小玩足大半天（全室內）。

Prime Tree Akaike Shopping Mall，位於赤池，名不經傳，但我因為酷愛mother garden的海豹sirotan，找分店時找到它。這個商場非常適合自駕遊，然而其周邊很僻靜，翻查資料，如果要坐地鐵的話，赤池站出口走5分鐘便可以了。

商場共有三層，地下層有餐廳、一些特色小食店、藥妝和超巿，二、三樓則是購物區，二樓是牌子服裝，而重點是三樓，除了有大量童裝店，還有兩個遊戲室，賣玩具的店舖和夾公仔店！所以，如果天氣不好，躲在這兒真的可以吃玩買愉快度過。

以下用圖輯講解一下這個商場有什麼好玩，let's go！！！

＊地下層除了有超巿，還有一個個像是賣手信般的特色小吃店，其中我發現了這間蜜瓜甜品店，一個蜜瓜加雪糕，香港賣百幾蚊那個呢！這兒只售一千日元左右，抵到爛！

＊我最愛的mother garden sirotan，在三樓有專賣店，要注意的是商店一旁設有Sirotan F

Museum，是一個兒童遊樂場！付費，不過5:00便關門，面積亦不大（一張圖睇晒），少少詳情可看我寫過的介紹：YokoMama 赤池SirotanFMuseum

＊想玩一個面積大一點的，同樣在三樓、全日本都有分店的Kid-O-Kid，有波波池及彈床等，同樣要付費。網址：https://kidokid.bornelund.co.jp/chubu/aichi/

＊商場三樓有Sega，可慢慢玩各種電子遊戲如孖寶賽車及夾公仔。愛好夾公仔的話，還有多一個選擇，就是商場中間有另一個付有夾公仔及小型（如入錢玩那種電動搖馬等）遊戲的地方。

＊這層還有多間童裝店，很多是日本獨有牌子；而這一間大型商店有點像西松屋，雜貨、尿片、衫等等一應俱全。

＊旁邊有一間如反斗城的玩具店，多種電子遊戲試玩，還有文具、玩具車場等，還有日本小學生書包呢！而這裏見到的玩具不太跟普通玩具店相同，竟然較貼近東京秋葉原，如多啦Ａ夢模型、pokemon多款玩具和用品也是比較少見的。

＊這裏有一間超級無敵羊咩咩的主題餐廳，同樣，上面提過的小型夾仔公機的店鋪都是以羊咩咩做主題。

＊二樓大型家電舖，電器家品樣樣有，款式特別，大人最喜歡，還可以任意按摩。

ｉｎｆｏ http://www.prime-tree.jp/web/

2019關西自駕：名古屋岩池公園

2019關西自駕親子遊

名古屋篇

岩ケ池公園（iwagaike park）

名古屋親子遊樂場，不止有長島和鈴鹿，我上網發現了一個有吃有玩有買的大型公園岩池公園（岩ケ池公園）。

這個公園有多種不同設施，因為朋友的孩子通常在不同年齡範疇，有時甚至扶老攜幼，這裏相信可一次過滿足多種人士願望。

概括一下，這個公園包括：戶外遊樂場、摩天輪、玩水區、溫泉、food court、蔬菜超巿、蝦片專賣店。是否已覺得一個地方包含了0至80所需？我們花了三小時遊玩，因為太熱才沒有玩齊所有設施。現在等YokoMama逐一介紹一下。


＊免費
～大型複合遊具

超高、超大、超好玩的攀爬架及滑梯，雖然看上去是鐵絲製，但在炎炎夏日竟不太燙手，各種設計對香港小朋友來說可算新鮮，唯一不幸是不準大人爬上去 :P



～簡單（幼兒）遊樂場

有鞦韆、搖搖馬等，剛新建了一個「富士山」，造型可愛，踏上去軟腍腍的，有繩子和突起的球狀給孩子們爬上爬落。



～長滑梯、戶外攀爬設施

如果天氣好，不太熱，這裏可玩半天！隱藏在樹林公園不同角落，有長長的滑梯、大大小小攀爬遊戲，大人都想玩呀！


～特色手信

除了food court旁的小店可以買特色手信，這裏還有一間專賣蝦片的店舖，幾乎你想像不到的口味都有，而且任由試食，包保你的手信獨一無二。











～嬉水公園

在大型複合遊樂場後面其實有一個嬉水池，不過我們去的當天正在維修。不要緊，其實摩天輪下有兩個小型戶外噴水區，一邊是霧氣、一邊是噴水，很多小朋友在這兒玩到夠。（建議帶備衣服）











＊付費
～賽道賽車

這個賽車正呀！在真正的道路上運行，要踏油門，所以3年級以下小孩要和大人同坐，由大人負責駕駛，一個圈即止。（100Yen/人）












～小童電動車

50Yen一次，夠便宜，大約可玩3-5分鐘吧！安全性高，但範圍不大，適合幼小小朋友。

～旋轉木馬

～飛機型小飛象
～小火車
～摩天輪
可以選玻璃底的卡廂，小朋友坐完會得到小氣球一個。這裏的水池晚上會有激光噴水匯演，相信晚上來坐又別有一番風味。

～溫泉

付費，戶外有足湯。由於天氣太熱，我們這次沒有試，可於網站查詢詳情。（http://www.kakitsubata-spa.com/）








info
http://www.iwagaike-park.com/

2019關西自駕：大阪Soraniwa SPA空庭溫泉

2019關西自駕親子遊大阪篇Soraniwa SPA空庭溫泉

喺大阪嘅「Soraniwa SPA空庭溫泉」 ，2019年2月先開幕，而且佢嘅位置非常方便，就喺弁天町站行一至兩分鐘就到。如果好似我哋咁住喺大阪海灣塔藝術酒店 (ART HOTEL Osaka Bay Tower)，仲可以由二樓直接行過去，一分鐘搞掂！

其實成個空庭溫泉設計概念同東京嘅大江戶溫泉物語一樣，都係一個一站式溫泉樂園，入去有得著浴衣、有得食、有得浸溫泉、有得影靚相嘅地方。如果你去過大江戶，相比之下，空庭嘅面積係細過大江戶好多，溫泉嘅數量亦都係少過大江戶，以我目測大概有六至七個池，其中有啲特色嘅silk池、紅酒般嘅日常池，但其他就冇乜特別，除咗有一個池就係可以望住戶外嘅地方，畀你一邊浸一邊睇下人哋喺戶外庭園中行嚟行去影相。

至於另一失色嘅地方，就係呢度完全冇嗰啲傳統日本遊戲小攤位，餐廳方面亦都得四、五間（有啲仲要只係飲酒嘅），但係

餐廳

佢就有一個額外付費嘅岩盤浴區，我喺網上望過啲房都幾靚，又有特色，但問題係呢個區小朋友唔入得㗎，你帶住小朋友，就唔可以去玩了，當然你又可以比錢去家庭浴室來個私人家族風呂，但係7000Yen兩小時又貴貴地咁囉。

另一個麻煩就係呢度夜晚七點之後係唔畀小朋友入，所以如果要同小朋友去玩，就要揀啱時間啦。


玩之步驟

為免做錯嘢尷尬，所以容許YokoMama簡單介紹下玩法（畀第一次去玩嘅你，我都係從錯誤中學習）

Step 1：入到去已有兩位著和服嘅reception小姐，行入去地蓆前，麻煩先除鞋！跟住拎住對鞋入去揀鞋櫃，鎖好。我小朋友8歲佢地就話要自己用一個鞋櫃啦。


Step 2：之後攞住條鎖匙去reception嗰度，佢會問你幾多個人，再畀幾多條鎖匙你，其中喺館內嘅消費帳單一般會入晒去男士條匙度。你係要show個鞋櫃匙畀佢睇，因為我本來貪方便將阿仔條匙放在我個鞋櫃中，但原來唔得嘅。


Step 3：之後就去揀浴衣。男仔小朋友係冇得揀第一款藍色，女仔都無得揀，不過佢哋嘅腰帶有兩款顏色（粉紅同黃）。當然女士浴衣係多啲花款，之但係我又想講呢度嘅浴衣有一處特別，就係佢唔係傳統左疊右嘅一條衫，而係入面先來一條背心裙，出面先披一件浴衣嘅左疊右物體！


Step 4：男女各自去右邊嘅更衣室換衫之後，出嚟會合返家人。提一提，呢件浴衣之內你係最好要著內衣褲，同埋你所有梳洗用品都唔好鎖喺呢個moment嘅更衣室locker之內。你鎖嘅只係你本來身穿嘅衣服就得。而更衣室門口會有大量黑色環保袋畀你用來放私人用品拎住周圍去。

天燈走廊

Step 5：更衣室出嚟咗手邊就係岩盤浴入口同付款處。唔去嘅話，去右邊轉返出去，經過一個靚靚天燈區影相位，就係餐廳、購物區同埋影相嘅地方。

左邊係餐廳

Step 6：呢度任你影，任你食（梗係自費啦），仲有專人免費同大家影合照，

佢會畀道具你，仲會教你擺pose，一個組合（家庭，女女，男女，男男男都係組合計）免費送一張好細嘅postcard（含一張相），當然你要其他相就要買，記得好似係1500Yen，可以用QR code 24小時內download。記住，呢個QR Code卡好重要，一陣去戶外會有用，keep住喺身先。

大會攝影

Step 7：行到去去入面盡頭，有電梯上五樓，就會去到另一個更衣室，如果你要去浸溫泉，入去換完曬衫就可以接去浸（咁呢個locker當然係可以放晒你所有物品），但係你要去戶外影相的話，就唔駛用locker，直接行去戶外區出口，喺庭園相會你嘅家人啦！出口處仲有拖鞋同遮，拖鞋一定要著㗎，記得攞條小毛巾出去浸完腳抹（你仲有個黑色環保袋跟身㗎嘛，放喺裏面囉），而木拖鞋仲有小朋友size，當然好重，行路會困難一啲。



Step 8：去到戶外可以浸腳，同埋港女港媽最鍾意嘅影影影，周圍非常好影，我地係平日嘅11am-2pm去，人唔多。呢度亦有專業影師無端端行埋嚟問你影唔影相，不過我唔知呢張相係咪免費㗎，到時你自己問。

Step 9：頭先講嘅QR Code卡重點嚟啦！你見到庭園中千本鳥居嘅裝飾，係咪好想影相呢！呢個場景前有一個自動相機（圖中右邊灰色好似咪錶嗰舊），你

只要用你張卡埋去scan一下 QR Code，相機倒數五秒就會自拍一次，你張相亦會自動送到卡內，記得24小時內下載返。

＊其實呢度仲有休息區、表演、靚啲嘅浴衣租用等，大家可以慢慢發掘一下。


info
「Soraniwa SPA空庭溫泉」
地址︰日本大阪府大阪市港區弁天１丁目2-3
www.solaniwa.com