舊.不了情—美荷樓之旅

　　作為石硤尾第一代屋村街坊，是否後悔沒有早一點到美荷樓參觀？

　　美荷樓是石硤尾屋村41座改建而成歷史展覽館及青年旅舍的歷史建築，追溯興建年份為1954年。奇怪了，1954年已有41座？以我所記得，我是跟公公婆婆住在石硤尾第七座共廿年（直至遷拆），而當時第一至七座才是最早期的公屋模樣：只有七層

高、沒電梯、每戶獨立洗手間也在住所之外的冷巷（要用鎖匙開門的，一家一個，冬天很不想去，而且小時候常常說去廁所便偷走去樓下公園。）

　　屋村不是由第一座開始建起的嗎？第四十幾座，應該是較新型的了，我中學時曾替一小朋友補習，她住的四十幾座，已是現在的公屋模樣，與一至七座差得遠。

　　想翻查資料，查不了，我想，大概是41座前身是徒置區，到後來再建一至七座，徒置區就再陸續改建成8至四十幾座吧。（希望高人指正）

　　言歸正傳，這一區對我來說一點也不陌生，到底是值得參觀嗎？

飲我個樣~自拍奶蓋店

　　行街飲珍珠奶茶的風氣幾年來從未下跌過，而且為符合香港人百變口味，單靠珍珠已經唔能夠做賣點，一定要夠好味夠好玩。不如，我地將個靚樣飲埋佢囉！

　　將照片印於飲品上，不是新鮮事，但係人人都想試。早有咖啡店出過這一招，想不到珍珠奶茶類外賣店都可以配合。我掃街喎，邊行邊食喎，到底呢杯「樣」，可以維持幾耐？一於去試下。

　　於旺角廣華街，開業約一個月的FOAM分子泡沬（Foam.Beverage.Selfie），專賣特色飲品同小食，鎮店之寶必數自拍奶蓋。奶蓋，係YokoMama至愛，一定要試下。不過自拍奶蓋的飲品款式唔多，首先已無珍珠奶茶，暫時共有七款口味，以咖啡同朱古力為主。睇睇價錢，盛惠$28，嘩，同買杯普通珍奶差唔多喎。

　　咁，要等幾耐先？呢個都係重點。YokoMama好好彩，係某日開鋪第一個顧客，所以唔駛等，而且製作步驟仲非常簡單。