飲我個樣~自拍奶蓋店

　　行街飲珍珠奶茶的風氣幾年來從未下跌過，而且為符合香港人百變口味，單靠珍珠已經唔能夠做賣點，一定要夠好味夠好玩。不如，我地將個靚樣飲埋佢囉！

　　將照片印於飲品上，不是新鮮事，但係人人都想試。早有咖啡店出過這一招，想不到珍珠奶茶類外賣店都可以配合。我掃街喎，邊行邊食喎，到底呢杯「樣」，可以維持幾耐？一於去試下。

　　於旺角廣華街，開業約一個月的FOAM分子泡沬（Foam.Beverage.Selfie），專賣特色飲品同小食，鎮店之寶必數自拍奶蓋。奶蓋，係YokoMama至愛，一定要試下。不過自拍奶蓋的飲品款式唔多，首先已無珍珠奶茶，暫時共有七款口味，以咖啡同朱古力為主。睇睇價錢，盛惠$28，嘩，同買杯普通珍奶差唔多喎。

　　咁，要等幾耐先？呢個都係重點。YokoMama好好彩，係某日開鋪第一個顧客，所以唔駛等，而且製作步驟仲非常簡單。

　　首先係挑選飲品。我呢次就揀薄荷朱古力。付錢後，店員會請

掃一掃QR code，你手機會有上傳之標示，揀好相一按即傳到電腦。

你手機啟用店鋪的wifi，選擇後在facebook點選QR code，對住佢地個電腦掃一掃，然後就可以揀一張手機中的相。嗯，我揀相都揀得比較耐，當然你呢個時候仲可以立即自拍一張靚相，因為你揀之時，店員就沖調緊你杯飲品。

　　好啦，揀好，一個上傳掣，就會將你張相傳到店鋪部電腦。店員會幫你張相移好個杯位，你亦可揀選加入卡通配飾，ＯＫ後就會去印，而呢個過程唔駛一分鐘。所以等呢杯飲品之時間就係正常買珍奶的時間。

移好位置，仲可以揀公仔。

眨下眼完成

　　店內設有幾個座位，店員問我外賣還是堂食，下，原來拎走都得？此時掛住影杯飲品的我，心情激動，只見店員哥哥拎個高身杯蓋出來，仲有一個麥記凍飲般的透明袋，就將我杯寶貝毫無破損地盛載了在裡面。

拎住行街好輕鬆

　　店員指奶蓋可維持半小時至45分鐘，我碰巧要立即送Hiko上學，等車連一個車程約半小時，奶蓋也沒有太大變樣，都幾襟玩！不過有一點奇怪是已飲到一半了，奶蓋和飲品中間竟出現一道鴻溝，唔通係，我唔捨得用飲管搞搞搞勻奶蓋的結果？此刻細味奶蓋，覺得不像飲開那「貢貢」的味道，沒有太多鹹味，無論質地和味道，都好像忌廉蛋糕中的忌廉。結論是，值得一試。

約４５分鐘後的模樣

去片:45分鐘之後

Foam.Beverage.Selfie

地址：旺角廣華街1號仁安大廈地下22號鋪